8-декабрь күнү Бишкекте өткөн эл аралык TalentforBIZ карьералык платформасына биздин ФП-1-23 жана ФП-3-24 группаларынын студенттери куратору Сүйүндүкова Мейизгүл Иманалиевна менен биргеликте катышып келишти.
Бул иш-чара Түркиянын алдыңкы компаниялары менен жаш адистерди байланыштырууга багытталган уникалдуу платформа. Анын алкагында биздин студенттер ири компаниялардын өкүлдөрү менен жолугуп, эл аралык карьера мүмкүнчүлүктөрү, ишке орношуу жолдору жана заманбап талаптар боюнча баалуу маалыматтарды алышты.
TalentforBIZ 2019-жылдан бери бир катар мамлекеттерде ийгиликтүү өткөрүлүп келет жана быйыл Кыргызстанда дагы студенттер менен бүтүрүүчүлөр үчүн чоң мүмкүнчүлүктөрдү ачты.
Биздин студенттер бул иш-чарадан чоң мотивация, жаңы идеялар жана келечек үчүн маанилүү байланышты жаратуунун жолдорун үйрөнүп кайтышты. Бул алардын кесиптик өсүүсүнө жана келечектеги карьерасына өбөлгө болоору шексиз.
