10-февралда   окуу жайыбыздын мугалимдери Мамышева А.А. жана Касмалиева Г. Ш. Ж. Баласагын атындагы Кыргыз улуттук университетинде өткөн конференцияга катышып келишти. Конференция “Улут деми жана улуттук баалуулуктарды сактоодогу адамзаттын ролу” деген темада өтүп, көптөгөн коноктор чакырылган. Мамышева А. А. “Формирование этнотолерантности на уроках русской литературы” темасында, Камалиева Г. Ш. “Ак бата – элдин руханий мурасы” темасында доклад окушту. Улуттук демди жана улуттун философиясын, дүйнө таанымын, руханий баалуулуктарын, маданий өзгөчөлүктөрүн сактоо, өнүктүрүү жана кийинки муунга мурас катары калтыруудагы адамзаттын ролун илимий-практикалык негизде талдоо максатында өткөрүлгөн иш чара жогорку деңгээлде, уюшкандыкта өттү. Конференцияны окуу жайдын алдындагы Кесиптик колледжинин окутуучулар жамааты уюштурушкан. Биздин мугалим эжелерибизге педагогогика илимдеринин доктору, профессор Ишекеев Назаркул агай Ыраазычылык кат тапшырып, иштерине ийгиликтерди каалады.